Korsaria, buruargitasuna eta kirola batzen dituen froga ezberdina da. Partehartzaileak pirataz janzten dira eta motorerik gabeko edozein motako txalupak hartuz (kayakak, batelak, traineruak, puzgarriak, kamioi gurpilak, edota okasiorako bereziki eraikitako almadiak) Matxin pirata eta bere gorabeherak imitatzeko erronkari aurre egin behar diote.

Aurten, partehartzaileak Arkoteko arlanpatik irtengo dira, Plentziako itsasadarrean bertan, ibaian zehar Korsariaren ibilbidea lehen posizioan amaitzeko intentzioarekin, froga ezberdinak gaindituz.

Probak:

Hauetako lehendabizikoan pirata euskaldunak itsasadarreko lurreko zonaldean sakabanatuta utzitako urrezko 500 dobloietako bat eskuratu behar dute (antolakuntzak irteeran adieraziko du), horregatik, partaideek bertara azkar heldu eta lehorreratu egin beharko dute, ibilbidean topatzen dituzten sorpresei aurre eginez. Dobloi hauek egin behar duten ibilbidean zehar topatuko dituzten Kortsarioak erosteko balioko dute eta horrela beren abenturan denbora bikaina galtzea ekidingo dute.

Bigarrenean, B zonaldean, Barrikako zubiko errepidea gaindituz, pertsona eta txalupa bakoitzeko gutxienez urrezko dobloi bana lurperatu behar da; bertan Korsario gosetiek itxarongo dute, hauetatik ihes egin eta dobloiak txalupa bakoitzaren ikurrarekin lurperatu. Behin harrapakina lur azpian utzi eta gero, irteera puntura bueltatu ahal izango duzue.

Hirugarrenean, itsasadarrean bertan eta helmugatik gertu, beren txalupatik lasterketari koloretako puntua emango dioten 15 Kortsario gorrik botatako ur kuboekin abordajeak dakarren borrokatik onik atera behar duzue.

Azkenik, Kortsarioek helmugara heltzea lortuko dute, itsasadarraren amaieran dagoen Arkoteko arlanpa eskuarekin ukitzen dutenean.